"Рома" мухлислари Николо Дзаньолога аталган баннерни Колизей яқинига илиб қўйишди.
Бир муддат аввал ярим ҳимоячи трансфер сўрови билан чиққанди. "Рома" Дзаньоло учун фақат "Борнмут"дан расмий таклиф олди ва уни қабул қилди, футболчи эса трансферни рад этди. Энди у мавсум охиригача дисквалификация қилиниши мумкин.
“Рома” мухлислари “Колизей”дан унча узоқ бўлмаган жойда “Дзаньоло – сотқин ва номуссиз бўлак” деган баннер осиб қўйишди.
23 ёшли ярим ҳимоячи жорий мавсумда “Рома” сафида барча турнирлар доирасида 17 та ўйинда майдонга тушиб, 2 та гол урди ва 1 та голли узатмани амалга оширди.
