"ПСЖ" бош мураббийи Кристоф Галтье Франция чемпионати доирасида "Реймс"га қарши ўйин (1:1) ҳақида фикр билдирди.
"Биринчи бўлимдаги ўйинимиз суст кечди. На ритм, на интенсивлик йўқ эди. Биз тезда сочилиб кетдик, рақибимиз яхши ўйнади. Танаффусга 0:0 ҳисобида чиқиб кетдик, омадимиз келди, аммо ўйинимиздан кўнглим тўлмади. Кўрсатган ўйиниимиз етарли бўлмади. Кейин иккинчи бўлимда ярим ҳимоямизни тикладик. Бизга жуда тез гол уриш насиб қилди. Аммо кейин вазият аралашиб кетди, биз ўн киши билан қолдик,биз бу ўйинда қилган ишимиздан умуман мамнун эмасмиз. Аммо бу ташвишга сабаб эмас, биз ғалаба қозониш йўлига қайтишимиз ва янада бирдам бўлишимиз керак", - деди Галтье RMC Sport билан суҳбатда.
