"Реал" ҳимоячиси Начо "Реал Сосьедад"га қарши ўйинда қизил карточка олиши керак эди.
Бу фикрни испаниялик собиқ ҳакам Эдуардо Итурральде Гонсалес айтди.
Учрашувнинг 76-дақиқасида Начо Асьера Ильярраменди тўпни аутдан ўйинга киритаётган паллада Начо қўли билан тўпни тўсиб қўйди ва шу билан рақибнинг ўйинни тезда давом эттиришига тўсқинлик қилди. Бу вақтга келиб "Реал" футболчиси сариқ карточкага эга бўлганди. Учрашув бош ҳаками Марио Мелеро Лопес унга иккинчи ўйинни кўрсатмади.
"Бу гол нишонлаш учун футболкани ечишга ўхшайди. Бу огоҳлантириш, ҳа, ҳа ва яна ҳа. Бу аниқ огоҳлантириш, бу иккинчи сариқ эди", - деди Итурральде Carrusel Deportivo билан суҳбатда.
Орадан бир неча дақиқа ўтгач, "Реал Сосьедад" бош мураббийи Иманоль Альгуасиль мадридликларнинг тўпни ён чизиқдан ўйинга тезда киритишига тўсқинлик қилди ва Начонинг ҳаракатига тақлид қилди.
"Агар мураббий буни қилса, бу қизил карточка. Агар ўйинчи шундай қилса, у сариқ бўлади. Мураббий тўпнинг ўйинга киритилишига тўсқинлик қила олмайди.
Мен ҳакамлар қоидаларни билмаслигини тасаввур қила олмайман. Лекин улар ё қоидаларни билишмайди ёки уларга риоя қилишни хоҳламайдилар. Бу содир бўлган энг жиддий воқеалардан бири. Бу Начонинг аниқ иккинчи огоҳлантиришидир. Бу, худди Иманоль Альгуасилнинг қизил карточкаси каби, музокара олиб бўлмайди. Сиз қоидаларни билишингиз керак" - дея қўшимча қилди собиқ ҳакам.
