Ҳужумчи Энтони Гордон нима учун "Эвертон"дан "Ньюкасл"га ўтганини тушунтирди.

Кеча, 29 январь куни "ҳаккалар" 21 ёшли форвард билан шартнома имзолаганини эълон қилишди.

"Бу жуда қийин қарор эди ва мен учун жуда оғир ҳафта бўлди. Мен бутун футболчилик фаолиятимни шу пайтгача “Эвертон”да ўтказдим, шунинг учун қийин бўлди, лекин бу имкониятни бой бермадим. Мен “Эвертон”да ҳеч кимга ҳурматсизлик қилмоқчи эмасман ёки хафа қилишни хоҳламайман. Умид қиламанки, улар буни билишади. Умид қиламанки, энди улар бу пулни қайта инвестиция қилиб, Премьер-лигада қолишлари мумкин. Улар мен учун жуда кўп пул олишди. Мен буни ҳеч қачон тасаввур қила олмасдим ва бу содир бўлишини хоҳласмадим, шунинг учун бу ҳафта жуда оғир бўлди ", - деб Гордоннинг сўзларини келтиради Daily Mail.

Гордон "Эвертон" тарбияланувчиси ва 11 йилни инглиз клублари тизимида ўтказди. Унинг собиқ жамоаси 20 ўйиндан кейин 15 очко жамғарган ҳолда Премьер-лига турнир жадвалида 19-ўринда бормоқда.

Жорий мавсумда у "ирслар" сафида барча мусобақаларда 18 та ўйинда майдонга тушиб, 3 та гол уришга муваффақ бўлди.