“Андижон”нинг Анталияда давом этаётган ўқув-машғулот йиғини мобайнида янги ўйинчилар ҳам қўшилаётгани хусусида хабардор этиб келяпмиз. Бугун “Андижон” сафига янги ўйинчилар келадиган кун.

Улардан бири жамоа истиқомат қилаётган “Asteria Kremlin Palace” меҳмонхонага етиб келди. Бу – истеъдодли ҳимоячи Дилшод Комилов бўлиб, ишқибозлар ушбу ўйинчини “Локомотив” клубидаги ўйинлари орқали яхши биладилар.

24 ёшли футболчи Туркия йиғинига “Локомотив” билан бирга келганди ва у билан музокаралар ижобий якунлангач, Комилов “Андижон” ихтиёрига кўчиб ўтди.

Дилшодни “Андижон” клуби вакиллари илиқ қарши олдилар ва у янги жамоасидаги илк машғулотини бошлади.

“Андижон” матбуот хизмати.