"Спартак"нинг собиқ бош мураббийи Доменико Тедеско Бельгия терма жамоаси бош мураббийи лавозимига асосий даъвогар, дея таъкидлайди Sporza.
"Лион"нинг собиқ бош мураббийи Петер Бос ҳам ушбу лавозимга номзод. Бироқ, "Спартак"нинг собиқ мураббийи билан вариант ҳозирда устувор ҳисобланади. 37 ёшли мутахассис билан музокаралар юқори босқичда.
Мураббийнинг сўнгги иш жойи "Лейпциг" бўлиб, у билан Германия кубогини қўлга киритди. Тедеско шунингдек, 2019 йилдан 2021 йилгача “Спартак”да, 2017 йилнинг июлидан 2019 йилнинг мартигача “Шальке”да ва 2017 йилнинг мартидан июнигача “Эрцгебирге”да ишлаган.
Аввалроқ бельгияликлар испаниялик мутахассис Роберто Мартинес бошқарган, у жамоаси ЖЧ-2022 плей-офф босқичига чиқа олмагани ва турнирни тарк этгани учун ўз лавозимини тарк этганди. 9 январь куни Мартинес Португалия терма жамоаси бошқарувига тайинланган эди.
