"Челси" ярим ҳимоячиси Хаким Зиеш "ПСЖ"га ўтишни якунлаш учун Парижга учиб келди, дея хабар бермоқда Le Parisien.
Парижликлар марокашлик футболчини ушбу трансфер ойнасида "Вулверхэмптон"га кўчиб ўтган Пабло Сарабиага ўринбосар сифатида кўрмоқда.
"ПСЖ" маслаҳатчиси Луиш Кампуш "кўклар" билан ижара шартномаси бўйича музокара олиб бормоқда. Томонлар 1 февраль ярим тунда трансфер ойнаси ёпилгунига қадар келишувга эришишга умид қилишмоқда.
Эслатиб ўтамиз, Зиеш лондонликлар сафида 2020 йилдан буён ўйнаб келмоқда. Жорий мавсумда марокашлик футболчи Англия Премьер-лигасининг 10 та учрашувида қатнашиб, битта голли узатмани амалга оширган.
