"Барселона" қишки трансфер ойнасининг сўнгги кунида ўз таркибини кучайтириш имкониятларини ўрганмоқда.
Каталонияликлар ҳозирги молиявий вазият туфайли ўйинчиларни сотиб ололмайдилар, шунинг учун улар ижара вариантларини кўриб чиқмоқда.
ESPN хабарига кўра, "Барселона" "Манчестер Юнайтед" ҳужумчиси Энтони Элангани ижарага олмоқчи. Аввалроқ матбуотда "қизил иблислар" ўзининг 20 ёшли швециялик футболчиси учун кўплаб ижара таклифлари олгани, бироқ улар уни қўйиб юбориш борасида ҳали бир қарорга келмагани ҳақида хабар берилганди.
Энтони Эланга 2022/2023-йилги мавсумда “Манчестер Юнайтед” сафида 20 та ўйинда майдонга тушган. Уларда ҳужумчи шерикларига иккита самарали узатма берди.
