"Барселона" "Бавария" ҳимоячиси Бенжамин Паварни қўлга киритиш борасида музокаралар олиб бормаяпти, дея хабар беради инсайдер Фабрицио Романо.
Манбанинг хабарига кўра, бугунги кунда немис клуби билан музокаралар олиб борилмаяпти. "Барселона" 26 ёшли футболчини кейинги мавсумда сотиб олмоқчи, бироқ музокаралар ёзги трансфер ойнасида бўлиб ўтади.
Романо, шунингдек, футболчининг ўзи ҳам Каталония клубига ўтишга жуда қизиқаётганини маълум қилди.
Ҳимоячининг Мюнхен клуби билан шартномаси 2024 йилнинг июн ойи охиригача амал қилади. 2022/23 йилги мавсумда Павар "Бавария" сафида 23 та ўйинда 4 та гол урган.
Transfermarkt.com портали футболчининг нархини 35 миллион еврога баҳоламоқда.













