"ПСЖ" "Интер" билан ҳимоячи Милан Шкриньярнинг трансфери борасида келиша олмаяпти. Словакиялик футболчининг мавсум охиригача Милан клубида қолиши эҳтимоли катта, деб ёзади журналист Фабрицио Романо.
Парижликлар ўзларининг дастлабки таклифларини (10 млн евро) кўтаришди, аммо "Интер" талаб қилаётган 20 млн еврони тўлашга ҳали тайёр эмаслар. Милан клуби ён бермоқчи эмас.
Олдинроқ Шкриньяр "ПСЖ" билан дастлабки шартнома имзолагани маълум бўлганди. У ҳолда у ёзда текинга Париж клубига боради.
Шкриньяр жорий мавсумда “нерадзуррилар” сафида барча турнирларда 27 та ўйинда майдонга тушди ва 1 та голли узатмани амалга оширди.
