"PSJ" "Inter" bilan himoyachi Milan Shkrinyarning transferi borasida kelisha olmayapti. Slovakiyalik futbolchining mavsum oxirigacha Milan klubida qolishi ehtimoli katta, deb yozadi jurnalist Fabrisio Romano.
Parijliklar o‘zlarining dastlabki takliflarini (10 mln yevro) ko‘tarishdi, ammo "Inter" talab qilayotgan 20 mln yevroni to‘lashga hali tayyor emaslar. Milan klubi yon bermoqchi emas.
Oldinroq Shkrinyar "PSJ" bilan dastlabki shartnoma imzolagani ma’lum bo‘lgandi. U holda u yozda tekinga Parij klubiga boradi.
Shkrinyar joriy mavsumda “neradzurrilar” safida barcha turnirlarda 27 ta o‘yinda maydonga tushdi va 1 ta golli uzatmani amalga oshirdi.
