"Аякс" ярим ҳимоячиси Душан Тадич "Рома"нинг нишонига айланди, дея хабар беради журналист Николо Скира.
"Бўрилар" аллақачон 34 ёшли футболчи билан икки ярим йиллик шахсий шартнома борасида келишиб олишган.
"Рома" ҳам трансфер ойнаси ёпилгунга қадар "Аякс" билан трансфер нархи бўйича келишувга эришмоқчи. Сербнинг Амстердам клуби билан меҳнат шартномаси 2024 йилнинг ёзига қадар тузилган. Transfermarkt портали футболчининг нархини 7 миллион еврога баҳоламоқда.
Ярим ҳимоячи жорий мавсумда 19 та ўйин ўтказиб, 4 та гол урди ва 10 та голли узатмани амалга оширди.
