"Бавария" ярим ҳимоячиси Марсел Забитцерга "Манчестер Юнайтед" ва "Челси" клублари қизиқиш билдирмоқда. Журналист Флориан Плеттенбергнинг хабар беришича, иккала инглиз клуби ҳам футболчининг трансфери бўйича Мюнхен клубига сўров юборишган.
Забитцер 2021 йилнинг ёзида "Лейпциг"дан "Бавария"га кўчиб ўтганди. Унинг клуб билан амалдаги шартномаси 2025 йилнинг 30 июнига қадар мўлжалланган.
Transfermarkt портали 28 ёшли ярим ҳимоячининг нархини 20 миллион еврога баҳоламоқда.
Жорий мавсумда Забитцер "Бавария" сафида барча турнирлар доирасида 24 ўйинда 1 та гол ва 1 та голли узатмага муаллифлик қилди.