2022/2023 йилги давом этаётган мавсумнинг энг тезкор футболчилари рейтинги тузилди. Унга кўра Килиан Мбаппе рўйхатда учинчи ўринни эгаллаган бўлса, бу рўйхатда "Ньюкасл" ҳимоячиси етакчилик қилмоқда.
7. Рафаэл Леау ("Милан") - 36,5 км/соат
23 ёшли португалиялик ҳужумчи "Милан"да тўртинчи мавсумни ўтказмоқда. 2022/2023 йилги мавсумнинг ўйинларидан бирида Рафаэль Леау максимал 36,5 км/соат тезликка эришди. Лекин бундай тезлик унга вақатгина 7 ўрин билан кифояланишга етди. Шунингдек, бу билан у кучли бешликдаги энг тезкор португалиялик футболчи бўлди.
4–6. Михаил Мудрик ("Челси") – 36,6 км/соат
Украиналик футболчи Лондон клубига яқиндагина бориб қўшилди ва аллақачон ўзининг катта тезлигини намойиш этишга улгурди. Ва бу "Ливерпуль" билан ўйинда содир бўлди! 22 ёшли вингер учун 70 миллион евро (+ 30 миллион эвро бонус), лондонликлар бу пулларни узоқни кўзлаб ишлатишган шекилли. Мудрик ҳали бундан ҳам юқорироқ натижага эришиши кутилмоқда.
4–6. Адама Траоре ("Вулверхэмптон") - 36,6 км/соат
Ўтган мавсумда "Барселона"га ижарага берилган 27 ёшли испаниялик ҳужумчи "бўрилар" мухлислари хоҳлаганчалик тез-тез гол (мавсумнинг 23 ўйинида иккита гол) ураётгани йўқ. Аммо у ҳамон ўз тезлигини сақлаб қолмоқда. Менимча бу рўйхатдаги энг ёши катта футболчи Адама бўлса керак. Афсус юлдуз футболчи бўлиш учун тезликнинг ўзи камлик қилади.
4–6. Усмон Дембеле (Барселона) - 36,6 км/соат
2017 йилдан буён "Барса"да ўйнаб келаётган 25 ёшли франциялик футболчи асосий таркибдан мустахкам жой олиб келмоқда. Жорий мавсумда у клуб сафида 28 та ўйинда майдонга тушиб, 8 та гол ва 7 та голли узатмага муаллифлик қилган. Ва жамоадаги энг тезкор футболчи мақомида. Аммо, яқинда олган жароҳатидан кейин Усмон сафдан чиқди ва доимги манзили лазаретга етиб борди. Энди у жароҳатдан қайтиб формасини тиклаб олгунча вақт ўтса керак.
3. Килиан Мбаппе (ПСЖ) - 37,9 км/соат
Жаҳон футболининг ҳозирги кундаги юлдузларидан бири тезлиги борасида 3-ўрин билан кифояланди. Бироқ, унинг мавсумдаги статистикаси ҳайратланарли: ПСЖ учун 25 та ўйинда 25 та гол ва 6 та голли узатма. Кўпчилик футбол ишқибозлари Килианни энг тезкор футболчи деб билишади. Аммо бу мавсум унинг тезлиги максимал 37,9 км/соатга чиққан. Шуниси маълумки Килиан деярли хар ўйин шунга яқин тезликда югуради.
2. Дарвин Нуньес ("Ливерпуль") – 38 км/соат
23 ёшли уругвайлик футболчи Анлия примьер-лигасида икки харакатлари учун кўп эсланади. Биринчи 38 км/соат тезликда югкрию қўйгани, бўлса иккинчиси қулай вазиятларни кўкка совуриши билан. Нуньес реализациясини яхшиласа, бунақа тезлиги билан юлдуз футболчи бўла олади.
1. Свен Ботман ("Ньюкасл") - 39,21 км/соат
Бу 23 ёшли ҳимоячи ҳаммадан тез юугурган! Нидерландиялик футболчи "Ньюкасл"га 2022 йилнинг ёзида келиб қўшилган ва у аллақачон 18та ўйинда майдонга тушган.
