"Байер” ҳужумчиси Сердар Азмун “Марсель” футболчисига айланиши мумкин. Бу ҳақда инсайдер Даниел Лонго ижтимоий тармоғида хабар берди.
Манбага кўра, француз томони эронлик учун 5 миллион евро таклиф қилмоқда, асосий музокаралар ҳали бўлиб ўтмаган. Азмун "Байер"га 2022 йилнинг январ ойи охирида Санкт-Петербургнинг "Зенит" клубидан ўтган эди.
Жорий мавсумда Азмун Бундеслигада 10 та ўйин ўтказиб, гол ура олмаган. Қатарда бўлиб ўтган жаҳон чемпионатида футболчи Эроннинг гуруҳ босқичидаги барча ўйинларида қатнашган, аммо гол ва голли узатмани ҳам қайд этмаган.
