Англиянинг “Ноттингем Форест” клуби Мадриднинг “Атлетико” клуби марказий ҳимоячиси Фелипе Аугустони ўз сафига қўшиб олди.
Келишувни “Ўрмончилар” матбуот хизмати расман тасдиқлади. 33 ёшли бразилиялик футболчининг Англия Премьер-лигаси вакиллари билан шартномаси 2024 йилнинг ёзига қадар тузилган, трансфер нархи ошкор этилмаган.
Фелипе Аугусто 2019 йилдан буён “Атлетико”да ўйнаб келмоқда, ўшанда “матрасчилар” уни “Порту”дан 20 миллион еврога сотиб олганди. Тажрибали марказий ҳимоячи мадридликлар сафида жами 113 та ўйин ўтказиб, 4 та гол уришга муваффақ бўлган.
"Ноттингем Форест" Премьер-лигада 20-турдан кейин 13-ўринда бормоқда.
