"ПСЖ" клуби "Челси" ва Марокаш терма жамоасининг ҳужумкор ярим ҳимоячиси Хаким Зиешнинг трансфери устидан шикоят қилишга қарор қилди. Бу ҳақда журналист Фабрицио Романо хабар берди.
Инсайдернинг хабарига кўра, Париж топ-клуби трансфер ойнаси ёпилгунга қадар шартномани рўйхатдан ўтказишга улгурмагани сабабли, суд жараёнини ташкил қилмоқчи. Шу тариқа, "ПСЖ" трансфер ойнаси ёпилганидан кейин Зиешни ўз сафига қўшиб олиш борасида қарор чиқишини кутмоқда. Шу билан бирга, томонлар ўртасидаги барча ҳужжатлар имзоланди. Зиешнинг трансфери музлатиб қўйилган.
Аввалроқ Ҳаким Парижда тиббий кўрикдан ўтганди. Клуб африкалик футболчини жорий мавсум якунига қадар ижарага олишни кутганди.
