"ПСЖ" бош мураббийи Кристоф Галтье "Монпелье"га қарши Франция чемпионатининг 21-тур учрашувидан олдин фикрлари билан ўртоқлашди.
“Чоршанба қийин ва масъулиятли ўйин бўлади. Биз осон ғалаба кутмаймиз. Ишнинг асосий қисми ўз ўйинимизга ва биз кўрсатмоқчи бўлган шиддатга эътибор қаратиш бўлади. Биз “Реймс” билан ўйинда очко йўқотдик, “Монпелье” билан ўйинда яна ғалабали йўлга қайтишимиз керак”, — деди Галтье.
"ПСЖ" 48 очко билан Лига 1 турнир жадвалида пешқадамлик қилмоқда. "Монпелье" 20 очко билан 14-ўринда бормоқда.
"Монпелье" - "ПСЖ" учрашуви бугун, 1 февраль куни бўлиб ўтади. Учрашув бошланиши - Тошкент вақти билан 01.00.
