"Реал Мадрид" ҳимоячиси Давид Алаба бугун жамоа билан машғулот ўтказмади. Катта эҳтимол билан футболчи эртага Испания чемпионати доирасида бўлиб ўтадиган "Валенсия"га қарши жамоасининг навбатдаги ўйинини ўтказиб юборади.
Эслатиб ўтамиз, Алаба ҳозир тез-тез ҳимоя марказида ўйнайди, лекин баъзида чапда ҳам ўйнай олади. “Қироллик клуби”нинг асосий чап қанот ҳимоячиси Ферланд Менди жароҳат олганини инобатга олсак, ҳимояда Эдуардо Камавинга ўйнашга мажбур бўлади.
Ҳозирда "Реал Мадрид" биринчи ўриндан 5 очко ортда қолмоқда. “Барселона” кейинги турда “Бетис” билан сафарда ўйнайди.
