Ўзбекистон миллий терма жамоасининг 7 сентябрь кунги рақиби – Кувайт терма жамоаси пойтахт Тошкентга 5 сентябрь – чоршанба куни етиб келади. Шаржа орқали парвоз қилган самалёт Тошкент халқаро аэрапортига 17:00да келиб қўнади.

Сир эмаски, Кувайтга қарши учрашув Миржалол Қосимов шогирдларига Жанубий Корея билан беллашув олдидан тайёргарлик вазифасини ўтаб беради. Бу рақибларнинг 2012 йил ҳисобидан ўзаро иккинчи тўқнашуви эканини қайд этиш ўринли. Январь ойида Кувайтда бўлиб ўтган ўртоқлик ўйинида Вадим Абрамов мураббийлигидаги Ўзбекистон миллий терма жамоаси 0:1 ҳисобида имкониятни бой берганди. Умуман олганда Ўзбекистон ва Кувайт миллий терма жамоалари ҳозирга қадар ўзаро 5 бор тўқнаш келган бўлишса, шуларнинг 2тасида зафар қучган Ўзбекистон, яна 2тасини бой берган ва 1та ўйинда муроса кўчаси танланган. Тўплар нисбати – 9:9.

Ўзбекистон футбол федерациясига тақдим этилган мактубга кўра, кувайтликлар 8 сентябрь куни соат 12:45да Шаржа орқали ортга қайтиб кетишади.