Қишки трансфер ойнаси охирида ярим ҳимоячи Уэстон Маккенни "Ювентус"дан "Лидс"га ўтди. Инглиз клуби америкалик футболчини сотиб олиш ҳуқуқи билан ижарага олди. "Кекса синьора" бош мураббийи Массимилиано Аллегри бу келишув ҳақида фикр билдирди.
“Биз бозорда яхши иш қилдик. Маккенни кетишни хоҳлади ва у яхши вариантни топди. Шунингдек, Зуэллини “Пиза”га, Пеллегрини эса “Лацио”га юбордик. Балки эртага у билан учрашармиз”, деди Аллегри матбуот анжуманида.
2 февраль, пайшанба куни “Ювентус” Италия кубоги 1/4 финали доирасида “Лацио”га қарши ўз майдонида ўйин ўтказади.
