"Рома", "Реал" ва Италия терма жамоаларининг собиқ ҳужумчиси Антонио Кассано "Наполи" ярим ҳимоячиси Станислав Лоботка ҳақида гапирди.
"Осимхен “Наполи”да жуда яхши, у яхши голлар урмоқда. Аммо жамоадаги ягона алмаштириб бўлмайдиган футболчи бу Лоботка. Хвича ва Осимхен ажойиб ижрочилар, аммо уларсиз ҳам неаполликлар ғалаба қозонишади. Аммо Лоботка Спалеттининг ҳақиқий маёқидир, у ўзига хос ўйинчи", - дейди Антонио.
Италия чемпионатининг жорий мавсумида 28 ёшли словакиялик ярим ҳимоячи 20 та ўйин ўтказиб, битта гол ва битта голли узатмага муаллифлик қилган.
