"Ювентус" бош мураббийи Массимилиано Аллегри Италия кубоги чорак финалида "Лацио"га қарши ўйин олдидан журналистлар билан суҳбатлашди. "Кекса сеньора" бошқарувчисининг фикрича, унинг жамоаси А Сериядаги 15 очкони олиб қўйишни баҳона қилмаслиги керак.
“15 баллни олиб ташлаш баҳона бўлмаслиги керак. Биз майдонга чиқиб, талаб қилинадиган ишни қилишимиз керак. Биздан биринчи марта 15 очко олиб ташланган бўлиши мумкин, аммо биз бу вазиятни энг яхши тарзда ҳал қилишимиз керак. Биз Италия Кубогида қўлимиздан келганини қиламиз", - деди Аллегри.
Эслатиб ўтамиз, молиявий фирибгарлик учун "Ювентус"дан 15 очко олиб ташланган.
