Лондоннинг “Тоттенхэм” клуби бош мураббийи Антонио Конте ўт пуфагини олиб ташлаш бўйича муваффақиятли операциядан сўнг, мухлисларга мурожаат қилди.
“Ажойиб постларингиз учун раҳмат. Операциям яхши ўтди ва ўзимни аллақачон яхши ҳис қиляпман. Энди ўзимга келишим керак. Жамоа билан ишлашга қайтишни кута олмайман", деган мураббий ўзининг саҳифасида.
Жорий мавсумда Англия Премьер-лигасида ўтказилган 21 учрашувдан сўнг, "Тоттенхэм" 36 очко билан турнир жадвалида бешинчи ўринда бормоқда. “Шпорлар” навбатдаги “Манчестер Сити”га қарши баҳс олиб боради. Ўйин 5 феврал куни Лондонда бўлиб ўтади.
