Кеча тунда «Олд Траффорд»да Англия Лига кубоги 1/2 финалининг жавоб учрашуви якунланди. «Манчестер Юнайтед» ва «Ноттингем Форест» ушбу босқичда ўзаро баҳслашди.

Ўйинда Эрик Тен Хаг шогирдлари 2:0 ҳисобида ғалаба қозонди. Шу тариқа «манкунианликлар» турнир финалига йўл олди.

«Манчестер Юнайтед» сардори Бруно Фернандеш учрашув натижасидан мамнун бўлди ва финалга чиқиш жамоа учун 2022/2023 йилги мавсумни ёрқин кўрсатиш учун яхши имконият бўлишини айтди.

«Бу жуда ҳам яхши натижа. Бу ердалигимда шу пайтгача бир марта финалгача етиб келганман. Ўшанда афсуски, ғалаба қозона олмаганмиз.

Ҳозир янги имконият бор. Менга клубнинг ўйини ёқди, голлар ёқди. Биз ҳақли равишда ғалаба қозондик», - деди Фернандеш.