«Рома» бош мураббийи Жозе Моуриньо Николо Дзаньоло билан боғлиқ вазият ҳақида гапирди.

Олдинроқ 23 ёшли форвард трансфер бўйича ариза билан чиққанди. «Рома» Англиянинг «Борнмут» клубидан расмий таклиф олди ва уни қабул қилди, бироқ футболчининг ўзи трансферни рад этди.

«Клуб раҳбариятининг изоҳлари жуда аниқ эди. Менда бунга қўшимча қиладиган ҳеч нарса йўқ ва келажакда ҳам бу ҳақида гапирмайман», - дея Моуриньонинг сўзларидан иқтибос келтиради клуб матбуот хизмати.

Дзаньоло ва римликлар ўртасидаги амалдаги келишув 2024 йилнинг ёзига қадар мўлжалланган. Жорий мавсумда у «Рома» сафида барча турнирларда 17 та ўйинда майдонга тушиб, 2 та гол урди ва 3 та голга ассистентлик қилди.