Барселона суди “Барселона”нинг собиқ ҳимоячиси Дани Алвесга нисбатан эҳтиёт чорасини танлашда унинг айбига оид далиллар етарлича бўлган деб ҳисоблади, деб ёзади “РИА Новости Спорт”.
Алвес 2022 йил 30 декабрь куни Барселонадаги тунги клубда учрашган қизни зўрлаганликда айбланмоқда. 39 ёшли футболчи 20 январь куни қўлга олиниб, ҳибсга олинган. Агар Алвес айбдор деб топилса, у 4 йилдан 12 йилгача қамоқ жазосига ҳукм қилиниши мумкин.
Манбага кўра, судя Анна Марин эҳтиёт чорасини танлаш тўғрисидаги қарорда Алвеснинг айбига оид далиллар етарлича бўлганини ёзган.
Аввалроқ Бразилия терма жамоаси собиқ ҳимоячисининг рафиқаси ажрашиш учун ариза беришга қарор қилгани малум бўлганди.
21 январ куни Мексиканинг "Пумас" жамоаси Алвеш билан шартномани бекор қилганини эълон қилди. Футболчи жамоада 2022 йилнинг июнидан буён ўйнаб келмоқда.
