"Ан-Наср" Криштиану Роналдунинг жамоага мослашганидан мамнун.
Португалиялик футболчи Саудия клубига 30 декабрь куни "Манчестер Юнайтед" билан шартнома бекор қилинганидан сўнг ўтган эди.
The Athletic хабарига кўра, клубда ҳеч ким Роналдудан шикоят қилмайди. Криштиану жамоага яхши интеграциялашмоқда ва янги клубида барчани ҳайратда қолдиришга ҳаракат қилмоқда.
Риёдликлар раҳбарияти футболчининг профессионаллиги ва кийиниш хонасидаги ижобий таъсирини қайд этишади.
Ар-Риёд клуби сафида ўтказилган икки учрашувда 37 ёшли ҳужумчи ҳозирча самарали ҳаракатлари билан ажралиб тура олмади.
