«Фулхэм» бош мураббийи Марко Силва қишки мавсумда клубнинг трансфер бозоридаги ҳаракатини юқори баҳолади.
«Фулхэм» ҳимоячилар Шейн Даффи ва Седрик Соареш, ярим ҳимоячилар Тайриз Франсуа ва Саша Лукични сотиб олди.
«Рўйхатимизда биз кучайтирмоқчи бўлган иккита позиция бор эди. Ўнг қанот ва ярим ҳимоя. Трансфер ойнасининг сўнгги куни биз учун қийин бўлди», - дея Силванинг сўзларидан иқтибос келтиради клубнинг Твиттер саҳифаси.
Мураббий 3 февраль куни бўлиб ўтадиган АПЛнинг 22-тури доирасидаги «Челси»га қарши ўйиндан ҳам кутганлари билан ўртоқлашди.
«Улар ҳар бир ўйинда услубини ўзгартириш қобилиятига эга. Биз улар ўйнаши мумкин бўлган турли таркиблар ва уларнинг янги ўйинчиларига тайёр бўламиз», - деди Силва.