"Барселона" бош мураббийи Тито Виланова Мадриднинг "Реал" клубига қарши испания суперкубоги дастлабки учрашуви (3:2) ҳақида гапирар экан, "қаймоқранглилар" мураббийи Жозер Моуриньонинг кталаонияликларнинг биринчи голида лайнсмен офсайд қайд этмасдан хатога йўл қўйгани ҳақидаги фикрларини ҳам изоҳлаб ўтди.

"Биз бу ўйинга ажойиб спорт формасида тушдик. Жамоа тўпни яхши назорат қилди. Биз ўйинда тўлиқ устунликка эришдик ва кўплаб вазиятларни яратдик. Ҳисоб 4:1 ҳам бўлиши мумкин эди, лекин натижа 3:2 бўлди. Нима бўлганда ҳам ғалабадан қониқдик. Асосийсиз, жамоа биз кутган ўйинни намойиш этиб берди.

Валдеснинг иккинчи голга сабаб бўлган хатоси? Виктор бизни тез-тез қутқариб туради. У чиқишлар тўпни эгаллаб, жамоага комбинацион ўйин кўрсатишда ёрдам қўлини чўзади. Ҳозирча хатолар борасида футболчилар билан гаплаша олганим йўқ. Бироқ гаплашадиган гапларимиз бор.

Футбол – бу жамоавий ўйин. Кимнингдир куни бўлмаслиги мумкин, бошқалар уни тушуниши ва ёрдам бериши керак. Мен ҳозир ўйинда яратилган вазиятлар ҳақида кўпроқ ўйлаяпман. Эҳтимол, 3:1 ҳисобидан сўнг биз бироз нотўғри ўйин қилгандирмиз. Ҳар доим ҳам аъло даражали футбол кўрсатиб бўлмайди.

"Бернабеу"да биз фаворит ролида майдонга чиқамиз. Ўз-ўзидан тушунарлики, бу натижа якуний эмас. Биззга у ерда ҳам гол уриш талаб этлади. Ғолиб масаласи ҳамон чоиқлигича турибди.

Моуриньонинг айтганлари? Унинг ҳакамлар ҳақида гапиришидан ажабланмайман. Гарчи рақиб жуда яхши ўйин кўрсатганда ҳам, ўйиннинг ўзини қадрлаш керак. Ҳакамлар яхши ишлашди. Уларнинг қарорлари натижасга таъсир ўтказгани йўқ", – дея Виланова сўзларини келтиради AS.