Маркус Тюрам фаолиятини "Атлетико"да давом эттириши мумкин.
Мадрид клуби қишки трансфер ойнасида Мёнхенгладбахнинг "Боруссия" клуби ҳужумчиси билан шартнома имзоламоқчи эди. AS нашрининг ёзишича, франциялик футболчи "матрасчилар"нинг спорт директори Андреа Бертанинг асосий нишони ҳисобланади.
Тюрамнинг "Боруссия" билан шартномаси жорий мавсум охиригача амал қилади, ёзда у эркин агентга айланади. Футболчи келаси мавсум Чемпионлар лигасида ўйнайдиган жамоага ўтмоқчи.
"Атлетико"да Маркус узоқ вақт давомида юқори савияда ўйнай оладиган ўзини исботлаган футболчи саналади.
25 ёшли ҳужумчи жорий мавсум Бундеслигада 17 та ўйинда майдонга тушиб, 10 та гол ва 3 та голли узатмани амалга оширди.
