Мадриднинг «Реал» клуби дарвозабони Тибо Куртуа Испания чемпионатининг 17-туридан ўрин олган қолдирилган ўйин доирасида «Валенсия» ҳимоячиси Габриэль Паулистанинг четлатилишига изоҳ берди.

«Винисиусни ҳимоя қилиш керак, чунки у тўпга эга бўлишни яхши кўрадиган жуда ҳаракатчан ўйинчи.

Бу ҳимоячиларга ёқмайди. Лекин бу унинг ўйин услуби. Менга бу ўйинда бош ҳакамнинг жасорат тўплаб, рақибни маъносиз қўполлик учун майдондан четлатгани ёқди», - деди бельгиялик дарвозабон.

Учрашув «Реал Мадрид»нинг 2:0 ҳисобидаги ғалабаси билан якунланди. Голларга Асенсио ва Винисиус муаллифлик қилишди. «Реал Мадрид» бу муваффақиятдан кейин пешқадам «Барселона»дан 5 очко ортда қолмоқда.