«Бавария» ҳимоячиси Жоау Канселу қишки трансферлар ойнасида «Реал»га ўтиши мумкин эди.
Журналист Фабрицио Романонинг ёзишича, португалиялик футболчини «қироллик клуби»га таклиф қилишган, бироқ Флорентино Перес бошчилигидаги раҳбарият қишда трансферлар бўлмаслиги ҳақида аниқ бир қарорга келган.
Натижада, футболчи мавсум охиригача ижара асосида «Манчестер Сити»дан «Бавария»га ўтди. Мавсум якунида немис клуби уни 70 миллион еврога сотиб олиш имкониятига эга бўлади.
Канселу аллақачон Германия кубогининг ⅛ финалида «Бавария» сафида дебют қилган, у ерда жамоа «Майнц»ни 4:0 ҳисобида мағлуб этганди. 17-дақиқада португалияликнинг узатмасидан кейин ҳужумчи Эрик-Максим Шупо-Мотинг ҳисобни очди.
