"Челси" ва "Бенфика" раҳбарлари Энцо Фернандес бўйича музокаралар чоғида деярли жанжаллашиб қолишди. Бу ҳақда Record хабар берди.
Манбага кўра, лондонликлар нархни туширишга урингач, можаро авж олган: "кўклар" хўжайини Тодд Боули шартномага инглиз клубининг бир неча ўйинчисини қўшиб, суммани 120 дан 90 миллион еврога туширмоқчи бўлган, Лиссабон клуби президенти Руй Кошта эса йиғилиш залини жаҳл билан тарк этган.
Бироз вақт ўтгач, "Челси" футболчи учун яна 120 миллион евро таклиф қилганидан сўнг музокаралар қайта бошланди.
Натижада аргентиналик футболчи лондонликлар билан 2031 йилнинг ёзига қадар шартнома имзолади ва 22 ёшли ярим ҳимоячининг трансфер қиймати 121 миллион еврони ташкил қилди.
