"Chelsi" va "Benfika" rahbarlari Enso Fernandes bo‘yicha muzokaralar chog‘ida deyarli janjallashib qolishdi. Bu haqda Record xabar berdi.

Manbaga ko‘ra, londonliklar narxni tushirishga uringach, mojaro avj olgan: "ko‘klar" xo‘jayini Todd Bouli shartnomaga ingliz klubining bir necha o‘yinchisini qo‘shib, summani 120 dan 90 million yevroga tushirmoqchi bo‘lgan, Lissabon klubi prezidenti Ruy Koshta esa yig‘ilish zalini jahl bilan tark etgan.

Biroz vaqt o‘tgach, "Chelsi" futbolchi uchun yana 120 million yevro taklif qilganidan so‘ng muzokaralar qayta boshlandi.

Natijada argentinalik futbolchi londonliklar bilan 2031 yilning yoziga qadar shartnoma imzoladi va 22 yoshli yarim himoyachining transfer qiymati 121 million yevroni tashkil qildi.