Миланнинг “Интер” клуби президенти Стивен Чжан қарийб 300 миллион евро қарзни тўламаганликда айбланмоқда. Бу 31 ёшли тадбиркор учун жиддий оқибатларга олиб келиши мумкин бўлган муаммо.

Calcio e Finanza нашри хабарига кўра, "Интер" клуби акциядорини уч ойгача бўлган қамоқ жазоси кутмоқда.

АҚШлик кредиторлар Чжанни Миланда судга беришди ва Гонконгда яна иккита иш бор. China Construction Bank тадбиркорнинг қарзлари, шунингдек, унинг банк ҳисоб-варақлари ҳолати, даромад ва харажатлари ҳақида билмоқчи. Чжан шунингдек, ўзининг активлари ва мажбуриятлари, жумладан, "Интер" акцияларига тегишли ҳар қандай ҳужжатларни тақдим этиши керак бўлади.

Агар суд Чжан мол-мулкни яширганини аниқласа, у уч ойгача қамоққа олиниши мумкин. Суд мажлиси 13 мартга белгиланган.