"Барселона"нинг собиқ футболчиси Дани Алвес иши бўйича янги кўрсатмалар пайдо бўлди.
Дани Алвес зўрлашда айбланмоқда. Бразилиялик футболчи 20 январдан бери ҳибсда. Marca нашри хабарига кўра, бу ҳолатда янги қурбонлар пайдо бўлиши мумкин.
Зўравонлик қурбони билан бирга келган икки қиз тергов суди раиси олдида кўрсатма берди. Иккаласи ҳам даъвогарнинг сўзларини тасдиқлади ва янги тафсилотларни қўшди. Улар судьяга бразилиялик футболчи аёллардан бирига яқинлашиб, унинг белидан қучоқлаб қўйганини айтишган. Иккинчи қиз Алвеснинг аврат жойларига текканини айтди. Судья икки аёлни жинсий зўравонлик учун собиқ футболчи устидан шикоят ёзишни таклиф қилди.
Агар бошқа шикоят тушса, Дани Алвес иши ортга сурилади. Ҳозирда футболчининг адвокатлари ҳибсдан қочиш хавфи йўқлигини таъкидлаб, Барселона судида унинг ҳибсга олинишига эътироз билдирмоқчи.
