«ПСЖ» марказий ҳимоячиси Маркиньос Лига 1 доирасида «Тулуза»га қарши ўйиндан сўнг (2:1) журналистлар билан суҳбатлашди.
Парижликлар ўйиннинг 20-дақиқасида гол ўтказиб юборишди, бунга учрашувнинг 38 ва 58-дақиқаларида Ашраф Ҳакимий ва Лионель Мессининг голлари билан жавоб қайтаришди.
«Ғалаба қозониш жуда ёқимли, аммо бугунги ўйинимиз кўп нарсани кўрсатиб берди. «ПСЖ» ўзининг оптимал формасига яқинлашмоқда, аммо ҳали унга эришгани йўқ.
Афсуски, ҳозир жамоада жароҳатлар билан боғлиқ муаммолар бор, аммо ҳар қандай қийинчиликда ҳам ғалаба қозонишда давом этиш муҳим», - дея бразилияликнинг сўзларидан иқтибос келтиради журналист Адриен Греньер.
