Мадриднинг “Атлетико” клуби мураббийи Диего Симеоне “Хетафе”га (1:1) қарши ўйиндаги ҳакамлик ва жамоасининг ўйини ҳақида гапирди.
83-дақиқада пенальтидан гол ўтказиб юборган "матрасчилар" ғалабали ҳисобни сақлаб қолмади.
“ВАР қандай ишлашини ҳисобга олсак, қандай қарор қабул қилинишини ҳеч қачон билмайсиз. Мен ўзимни бу тизимнинг мухлиси деб айта олмайман. Бугун вазиятлар қурбонига айландик – рақиб дарвозамизга хавф туғдирмаганида пенальти олди.
Биз ҳали ўйин устида ишлашимиз керак, лекин биз қурмоқчи бўлган футбол турини босқичма-босқич кўрсата бошлаймиз", деди “Атлетико” устози матбуот анжуманида.
