"Рома" бош мураббийи Жозе Моуриньо А Сериянинг 21-тури доирасидаги "Эмполи"ни мағлуб этганидан сўнг (2:0) мавсум охиригача жамоадан четлатилган ярим ҳимоячи Николо Дзаньолонинг аҳволи ҳақида гапирди.
Ҳимоячи Крис Смоллинг ёзда шартномаси тугаганидан кейин клубни тарк этиши аниқ, шунингдек, Жозенинг ўзи декабрда клубни тарк этишга яқин келганлигини тан олди. Миш-мишларга кўра, Моуриньога Португалия терма жамоаси ва Бразилия терма жамоасини бошқариш таклифи тушган.
"Дзаньоло клуб учун муаммо. Мен умуман ҳеч нарса қилишим шарт эмас, у бу муаммони мен билан эмас, клуб билан ҳал қилиши керак. Смоллингга келсак, мен уни ишонтириш учун ҳеч нарса қила олмайман.
Декабрда кетишим мумкин эди, лекин кетмадим. Бу менинг ҳаётим, мен ҳар куни ўйнашни яхши кўраман. Баъзида биз курашаётгандек туюлишимиз мумкин, лекин биз жуда кучли бўлган жамоаларнинг ёнидамиз" - деди Моуриньо.
