«Реал» ярим ҳимоячиси Федерико Вальверде «Манчестер Юнайтед»га ўтиши мумкин, дея хабар беради Fichajes.
Нашрнинг ёзишича, «қизил иблислар» раҳбарияти уругвайлик ярим ҳимоячи билан шартнома имзолашга умид қилмоқда.
«Манкунианликлар» «қаймоқранглилар»га 82 миллион евролик таклиф тайёрламоқда. «Манчестер Юнайтед» раҳбарлари уругвайлик футболчининг ЖЧ-2022ни қандай ўтказгани ва клуб даражасидаги ўйинидан ҳайратда.
24 ёшли ярим ҳимоячининг Мадрид клуби билан амалдаги шартномаси 2027 йилнинг ёзига қадар тузилган.
Вальверде жорий мавсум «Реал» сафида 30 та ўйинда майдонга тушиб, 8 та гол урди ва 4 та голли узатмани амалга оширди.
Тransfermarkt портали уругвайлик футболчини 100 миллион еврога баҳоламоқда.
