"Челси" бош мураббийи Грэм Поттернинг айтишича, унинг кўплаб ҳамкасблари "кўклар" устози ўрнида бўлишни орзу қилади.
Эслатиб ўтамиз, қишда англиялик мураббий таркибини кучайтириш учун 320 миллион евродан кўпроқ маблағ олганди.
"Дунёдаги кўплаб мураббийлар менинг ўрнимда бўлишни хоҳлашади. Бу жуда ҳаяжонли даврларни бошдан кечираётган фантастик футбол клуби. Бу ерда ишлаётган ҳар бир киши ўз жойидан хурсанд ва миннатдор бўлиши керак" - деди Поттер матбуот анжуманида.
Эслатиб ўтамиз, "Челси" Англия Премьер-лигаси турнир жадвалида 9-ўринда бормоқда. Чемпионатнинг навбатдаги турида Поттер шогирдлари сафарда “Вест Хэм” билан тўқнаш келишади.
