«Саутгемптон» бош мураббийи Натан Жонс билан хайрлашишни ўйламоқда, деб хабар беради Talk Sport.
49 ёшли мутахассис жамоани фақат ноябрь ойида қабул қилиб, ишдан бўшатилган Ралф Хазенхюттл ўрнини эгаллади ва 2026 йилгача шартнома имзолади.
Аммо уэльслик мураббий қўл остида «авлиёлар» Премьер-лигадаги сўнгги тўққизта ўйиннинг саккизтасида мағлуб бўлишди ва турнир жадвалининг энг қуйи поғонасида қолишди.
Нафақат «Саутгемптон» мухлислари, балки жамоанинг айрим футболчилари ҳам Жонсдан норози ва айни дамда клубни мураббий билан келгусида ҳамкорлик қилмаслигини хоҳлайди.
