Италия терма жамоасининг собиқ ярим ҳимоячиси, ҳозирда Туркиянинг “Фотиҳ Карагюмрюк” клуби бош мураббийи Андреа Пирло Туркиядаги зилзиладан жабр кўрганларнинг барчасини қўллаб-қувватлашини билдирди.
Пирло ижтимоий тармоқдаги саҳифасида турк ва инглиз тилларида “Ушбу даҳшатли зилзила қурбонларининг оилаларига ҳамдардлик билдираман” деб ёзди.
Эслатиб ўтамиз, ўтган кун давомида Туркияда бир қатор зилзилалар содир бўлди. Энг кучли зарбалар 7,8 магнитудага эга эди. Табиий офатлар натижасида Туркия бўйлаб кўплаб бинолар қулаб тушди. Дастлабки ҳисоб-китобларга кўра, ҳозирда минглаб одамлар вайроналар остида қолмоқда.
