Italiya terma jamoasining sobiq yarim himoyachisi, hozirda Turkiyaning “Fotih Karagyumryuk” klubi bosh murabbiyi Andrea Pirlo Turkiyadagi zilziladan jabr ko‘rganlarning barchasini qo‘llab-quvvatlashini bildirdi.
Pirlo ijtimoiy tarmoqdagi sahifasida turk va ingliz tillarida “Ushbu dahshatli zilzila qurbonlarining oilalariga hamdardlik bildiraman” deb yozdi.
Eslatib o‘tamiz, o‘tgan kun davomida Turkiyada bir qator zilzilalar sodir bo‘ldi. Eng kuchli zarbalar 7,8 magnitudaga ega edi. Tabiiy ofatlar natijasida Turkiya bo‘ylab ko‘plab binolar qulab tushdi. Dastlabki hisob-kitoblarga ko‘ra, hozirda minglab odamlar vayronalar ostida qolmoqda.
