Франция терма жамоаси ва «ПСЖ»нинг собиқ ярим ҳимоячиси Жером Ротен аргентиналик ҳужумчи Лионель Месси билан янги шартнома имзолашга қарши чиқди.
«Мессининг янги шартномаси - бу бемаънилик. Нима учун шартномани узайтириш керак, айниқса унинг ўйини нуқтайи назаридан. Лионель «ПСЖ»ни илгари суриш учун ҳеч қандай ҳаракат қилмайди, у жамоа мухлисларига миннатдорчилик билдирмайди. Месси клубга ёқимли имо-ишоралар кўрсатмайди, у ортиқча ҳаракат қилишни истамайди», - дея хабар беради Жером.
35 ёшли аргентиналик футболчи 2021 йилнинг ёзидан буён «ПСЖ» шарафини ҳимоя қилиб келмоқда. Томонлар ўртасидаги амалдаги меҳнат шартномаси жорий мавсум охирида якунига етади.
