Мадриднинг "Реал" клуби директори Эмилио Бутрагеньо ҳужумчи Карим Бензема ҳақида фикр билдирди.

"Жамоамизда бундай ўйинчи борлиги клуб учун катта шараф. Спортчилар жамиятга ўрнак бўлишга ҳаракат қилишлари жуда муҳим, Бензема шундайлар тоифасидан. Карим футболни севадиган барчага ўрнакдир", - дея Бутрагеньо Marca билан суҳбатда.

35 ёшли Бензема Мадрид клубига 2009 йилда келиб қўшилганди. Франциялик ҳужумчи жорий мавсумда барча турнирлар доирасида 21 та ўйинда майдонга тушиб, 13 та гол урди ва 3 та голли узатмани амалга оширди. Бензема амалдаги “Олтин тўп” соҳиби ҳисобланади.