Клублар ўртасидаги жаҳон чемпионатида кимлар иштирок этади?
Биринчи ФИФА клублар ўртасидаги жаҳон чемпионати 2000 йилда бўлиб ўтган. Турнир Қитъалараро кубок ўрнини эгаллади. Клублар ўртасидаги жаҳон чемпионатида барча қитъа чемпионлари ва мезбон жамоа иштирок этади. Ўтган йиллар давомида турнирга Бразилия, Япония, БАА, Марокаш ва Қатар мезбонлик қилган. Шу билан бирга, Европа ва Жанубий Америка клублари учун турнир ярим финал босқичидан бошланади.
Бу йил клублар ўртасидаги жаҳон чемпионати қаерда бўлиб ўтяпти?
Турнир 1 февралда бошланди ва 11 февралда якунланади. Тарихда учинчи марта турнир Марокаш ҳудудида бўлиб ўтмоқда. Бунгача Африка давлати 2013 ва 2014 йилларда клублар ўртасидаги жаҳон чемпионатига мезбонлик қилган. Биринчи ҳолатда кубок “Бавария”га, иккинчисида “Реал”га насиб этди.
Бу йил қайси клублар ўйнайди?
Марокашнинг “Видад” клуби нафақат мусобақа мезбони, балки Африка чемпионлар лигаси ғолиби ҳам бўлгани учун Мисрнинг “Ал-Аҳли” жамоаси клублар ўртасидаги жаҳон чемпионатига йўлланма олди. У Марокашга ўз қитъасидаги энг нуфузли клуб турнирида финалчи сифатида келган. Клублар ўртасидаги жаҳон чемпионатида жами еттита клуб қатнашади:
"Реал Мадрид" (Испания) - УEФА Чемпионлар Лигаси ғолиби;
"Фламенго" (Бразилия) - Либертадорес кубоги ғолиби;
“Видад” (Марокаш) - Африка чемпионлар лигаси ғолиби;
“Сиетл Саундерс” (АҚШ) - Шимолий Америка чемпионлар лигаси ғолиби;
“Ал-Ҳилол” (Саудия Арабистони) – Осиё чемпионлар лигаси ғолиби;
“Окленд Сити” (Янги Зеландия) - ОФК Чемпионлар Лигаси ғолиби;
"Ал-Аҳли" (Миср) - Африка чемпионлар лигаси финалчиси.
Саралаш босқичида “Ал-Аҳли” “Окленд Сити”ни 3:0 ҳисобида мағлуб этиб, чорак финалга йўл олди. У ерда Миср клуби “Сиетл” билан (1:0) баҳс олиб борди, “Ал-Ҳилол” эса “Видад”дан устун келди (1:1, пен. 5:3). 7 февраль куни Саудия клуби "Фламенго" билан, 8 февраль куни "Реал Мадрид" "Ал-Аҳли" билан ўйнайди. 11 февраль куни учинчи ўрин ва финал учун баҳс бўлиб ўтади.
Қайси жамоалар клублар ўртасидаги жаҳон чемпионатида ғолиб чиққан?
Турнир тарихи давомида фақат Европа ва Жанубий Америка клублари унинг ғолибига айланишган. 2013 йилдан бери ФИФА клублар ўртасидаги жаҳон чемпионатида фақат УEФА томонидан ғалаба қозониб келинмоқда. "Реал" энг яхши кўрсаткичга эга (тўртта ғалаба), "Барселона" уч марта кубокни қўлга киритган, "Бавария" ва "Коринтианс" икки мартадан. Ўтган йили турнир финалида Бразилиянинг "Палмейрас" клубини мағлуб этган "Челси" ютнирда ғалаба қозонган эди.
Ярим финалда кимларга эътибор қаратиш керак?
Саудиянинг “Ал-Ҳилол” клубида асосан маҳаллий футболчилар иштирок этишади, бироқ бу ерда бир қанча хорижлик футболчилар ҳам бор. Масалан, "Порту"да ўйнаган Мусса Марега, "Атлетико", "Севилья" ва "Валенсия"нинг собиқ футболчиси Лучиано Виетто. Кейин эса “Манчестер Юнайтед”да ўйнаган тажрибага эга ҳужумчи Одион Игало. Малилик 25 ёшли ярим ҳимоячи Алиу Диенг "Ал Аҳли"да алоҳида ажралиб туради.
"Реал Мадрид"да юлдузлар етарли, аммо клубнинг турнир қайдномасига барча футболчилар киритилмаган. Дарвозабон Тибо Куртуа, ҳимоячилар Эдер Милитао ва Ферлан Менди ҳамда ҳужумчилар Карим Бензема, Эден Азар ва Лукас Васкес жароҳати сабаб клублар ўртасидаги жаҳон чемпионатида иштирок этмаслиги мумкин.
“Реал Мадрид” бош мураббийи Карло Анчелотти жамоанинг ниҳоятда қийин тақвими ҳақида фикр билдирди: “Биз турнирларда иштирок этишдан бош тортмоқчи эмасмиз, чунки биз финалга жуда яқинмиз. Кучларни тўғри тақсимлаш жуда муҳим, чунки бу жуда мураккаб тақвим".
ФИФА турнирни ислоҳ қилмоқчи
ФИФА президенти Жанни Инфантино клублар ўртасидаги жаҳон чемпионати ислоҳотини эълон қилди. Унинг айтишича, янги форматдаги илк турнир 2025 йилнинг ёзида бўлиб ўтади ва унда бирданига 32 та жамоа иштирок этади. Клублар ўртасидаги жаҳон чемпионати ҳар тўрт йилда бир марта ўтказилиши керак эди. Бироқ УEФА ва айрим Европа федерациялари янги форматга қарши чиқди.
Ла Лига президенти Хавьер Тебас бошқаларга қараганда кўпроқ ғазабланди. 2022 йилнинг декабрида ташкилот клублар ўртасидаги жаҳон чемпионатини янги форматда ўтказмаслик учун барча қонуний чораларни кўриб чиқаётгани маълум бўлди. Буларнинг барчаси Инфантинони турнирнинг янги форматини якунлаш ва муҳокама қилиш зарурлигини эълон қилишга мажбур қилди.
