Туриннинг "Ювентус" клуби ҳужумчиси Душан Влахович "Салернитана" устидан қозонилган ғалабадан (3:0) кейинги фикрлари билан ўртоқлашди. Ушбу учрашувда сербиялик тўпурар дубль қайд этди.
"Энг муҳими - уч очко. Бунгача кетма-кет учта жангда ғалаба қозона олмадик. Жамоа ва мураббийлар штабига раҳмат айтмоқчиман. Худди шу руҳда давом этишимиз керак.
Мен учун гол уриш жуда муҳим, чунки ҳужумчи гол билан яшайди. Менга пенальти тепиш имкониятини берган ди Марияга раҳмат", - деди Влахович DAZN билан суҳбатда.
"Кекса синьора" 22-турдан сўнг 26 очко жамғариб, А Серия турнир жадвалида ўнинчи ўринни эгаллаб турибди.
