Кувайт терма жамоасининг сербиялик бош мураббийи Горан Туфегчижни ўз қўшниси отиб қўйди. Мураббийнинг турмуш ўртоғи Кувайт сайтларидан бирига бу ҳақда маълумот берган.
Туфегжич тезда касалхонанинг жонлантириш бўлимига ётқизилган. Ҳозирги кунда мураббий меҳнат таътили туфайли ўз юртида бўлиб турганди.
Мураббийни қўллаб-қувватлаш мақсадида Кувайт терма жамоаси ёрдамчи мураббийи, дарвозабонлар мураббийи, жамоа менежери Сербияга йўл олишди.
"Мутахассиснинг аёли айтишича, Туфегжичнинг аҳволи оғир", дейди жамоа менежери.
Туфегжичнинг қўшниси 70 ёшдан ошган чол бўлиб, пистолет билан Горанга қараб ўқ узган.
Туфегжич 2009 йилда Кувайт терма жамоасига мураббий этиб тайинланган. Унинг қўлостида кувайтликлар 31та ўйин ўтказиб, 13та ғалаба, 14та дуранг ва 4та мағлубият қайд этган. Жамоа 53та гол уриб, 29та гол ўтказиб юборган.
Хабарингиз бор, Кувайт терма жамоаси 7 сентябрь куни Ўзбекистон билан ўртоқлик учрашувини ўтказиш учун Тошкентга келиши керак.
